Prinses Nika I
Op 5 jannewari 2025 waerde in eine volle Duup Nika Beckers oetgerope es prinses van JVV de Nachrätjes.
Nika moog de Nachrätjes veur gaon mit heure spreuk:
Hop hop hop, gaas der op!
Nika I Beckers is ein echt Azeraos maedje.
Gebaore en getaoge op het Maolbrook es jongste kiendj van Grootvors/ AAP Ronald en Mylène Beckers, zusje van aad Nachrätjes prinsen Levi en Roan.
Nika is 11 jaor en zit in groep 8 van basisjool de Brink op Hoogvonderen.
In heure vrieje tied voetbalt het in de JO-13 van RKAVC es rechter middenvelder.
Auch danst het al sinds zien veerde jaor biej de Nachtegaelkes.
Verder hilt het van chillen in pyjama en kieke nao you tube filmpkes.
Es adjudanten haet Nika gekaoze veur heur twee vriendinnen Jente de Rechter en Mea Verheesen wo het al van kleins af aan bff-jes mit is.
Jente de Rechter is de dochter van Aad Hoafgengers prins Marco de Rechter en Annick Tulfer.
Heur broor Jorn mocht al ins de Nachrätjes veur gaon in het jaor 2022 en is actief lid van de Zolderratte.
Jente zit samen mit Nika in groep 8 en danst auch al van kleins af aan biej de Nachtegaelkes.
In de vrieje tied is Jente altied te vinje op de manege, mit paerd omgaon is heur passie.
Mea Verheesen is de dochter van Aad Prins Rik Verheesen en Karin Verheesen-Tichem.
Heur broor Lars moch auch al ins de Nachrätjes veur gaon in het jaor 2019 en Mea waas het aafgelaupe sezoen nog prinses Mea I van de Nachrätjes, mit Nika es ein van de adjudanten.
Mea speelt same mit Nika biej de JO-13 van RKAVC, es vaste verdediger kump geine biej heur veurbiej.
Auch Mea danst biej de Nachtegaelkes en hingt auch nog eine keer in de waek in de lange deuk biej Aerials gym.
Op BC Broekhin zit het dit jaor in de brugklas.
2024 Prinses Mea I
Mien adjes en ich, ein sjoon vastelaovendsgezich!”
2023 Prins Juul I
Neet balle maar knalle !
2022 Prins Jorn I en prinses Emma I
Mit dees drie daag sjteit nemes boetesjpel !
2020 Prins Roan I
Mit dit beugelbekkie veurop, zitte veur gans Azerao oppe kop
2019 Prins Lars I en Prinses Valerie I
Weg met de ski, vastelaovend is noe hiej!
2018 Prins Raf I
Mien doel: Same Vastelaovend viere!
2017 Prins Djem I
Waem haet det gedacht, dames aan de macht!
2016 Prins Levi en Prinses Joy
Neet danse of voetballe, maar noe flink knalle
2015 Prins Sem I en Prinses Britt I
Noe neet veurin, mer veurop!
2014 Prins Wesley I en prinses Lani I
Gein gezeiver euver rauke en beer, veer make geweun plezeer
2013 Prinses Debbie I
3 daag op match point
2012 Prins Justin I (Krispijn) en Prinses Lisa (Geuns)
Eeder zien gebrek, os is nieks te gek
2011 Prins David I (Sauer) en Prinses Alisha (Teeven)
Mit David en Alisha es prins en prinses, waert deze carnaval ein sucses!
2010 Prins Jari I (Cranssen) en Prinses Naomi (Driessen)
Dit sjpel sjpele veur same
2009 Prins Mike I (Cox) en Prinses Elisa (Diels)
Mit dans en bal viere veur carnaval
2008 prins Tom I (Cox) en prinses Selina
Met Tom en Selina in de sjpits geit de vastelaovend wie eine flits
2007 Prins Jordy I (Sensen) en Prinses Vera (Aarts)
Met Jordy en Vera veurop weart de vastelaovend top
2006 Prins Joran I (Aben) en Prinses Marit (Suntjens)
2005 Prins Brian I Rademakers
Met dit sjpook veurop weart de vastelaovend top
2004 Prins Maikel I (Heber)
Binne de liene, zonger gebit, zin de nachratte topfit
2003 Prins Pascal I (Van Den Hurck)
Es de Zölderratte komme, Zin De nachratte allang begonne
2001-2002 Prins Bas I (Clercx)
Miene wins , Nachratteprins
De nachrätjes zeen opgericht op 29 januari 2002, door Francien van den Hurck, Jan van Dijk en Ine Clercx. Ze hubbe de Nachrätjes opgericht veur heur kienjer. De vaders zoote biej de Raod van Ellef van de Nachtegale. Ut idee waas dus om van de kienjer kleine Nachtegale te make. Maar toen kwaam emes op ut idee om de name van beide jeugdvereniginge same te voege. De naam Nachrätjes waas gebaore. In ut begin van de Nachrätjes besjtong de raod oet de kienjer van de raod van de Nachtegale. Dit ware onger angere: Dennis van den Hurck, Pascal Van Den Hurck, Kevin Van Dijck, Brian Rademakers en Bas Clercx. Later waerde dit auch kienjer van boete de vereniging omdet ze vonje det de Raod erg klein bleef en ze meer kienjer wilde sjtimulere veur ut verenigingslaeve in Azerao. De jeugd haet tensjlotte de toekoms. In ut eerste jaor lepe de Nachrätjes in aaj jeskes van de Zölderratte en mutse van de Nachtegale. Nao ut vastelaoves seizoen hubbe ein paar aajers zich biejein geraap en zeen capes gaon neije in de kantine van eierfabriek Süntjens. Auch waerde der nuuj mutjes aangesjaf, betaald door de Nachtegale. De eerste Prins is niet oetgerope maar gemaakt. Omdet Ton Clercx in ut jaor 2002 Prins waas van de Nachtegale, hubbe ze ziene zoon Bas Prins gemaakt. Deze Prins leep rondj in ein aad prinsepak van de Zolderratte. De eerste vorst van de Nachrätjes waas Pascal van den Hurck. In ut volgende jaor waas der ein echt prinsoetrope op de kienjermiddig van de Nachtegale mit aanjloetend zelfs un echte receptie.