Leef vastelaovesvierders,

Veer as Nachtegale vinje ’t belangriek det de Azeraose vastelaovend blief laeve en dao heurt verjonging en vernuujing biej.
Esse kieks nao verjonging kiekse nao de jeugd, en veer mooge as Nachtegale trots zeen op de jeug die veer höbbe.
De Zölderratte, de Nachrätjes en de Nachtegaelkes, dao zit toekomst in.

Zelf bön ich dao oug begos, eerst bie de Nachrätjes, doorgesjtruimd nao de Zölderratte wo ich in 2007 prins van bun gewaes, mit doa nao de kers op de taart om de Nachtegale in 2015 as jubileum prins veur te moge gaon.
Nao 11 jaor raodslid bun ich in 2022 doorgegreujd nao nuuje vors.

Veur de toekomstige jaore is aan os as vereniging de taak om mit volle energie en motivatie op os evenemente ruumte te make veur vernuujing, verfrissing en ’t bewake van os Azerao’s cultureel erfgood namelijk de vastelaovend in Azerao.
Veer haope uch deze vastelaovend te moge ontvange op ein van os evenemente.
Wo en wanneer deze plaats vinje kint geur op de ‘programma’ pagina vinje en waere uiteraard in ’t blaedje gepubliceerd.

Mit vastelaovesgroete, Vors Dennis